ماہر معاشیات اور پی ٹی آئی رہنما مزمل اسلم وزیراعظم شہباز شریف اور وزیر خزانہ اسحاق ڈار کے بیانات میں تضادات کو سامنے لے آئے ہیں۔
مزمل اسلم نے اس حوالے سے سماجی رابطوں کی ویب سائٹ ٹوئٹر پر اظہار خیال کیا ہے۔
مزمل اسلم نے اپنے ٹوئٹ میں لکھا ہے کہ دلچسپ وقت ہے، وزیراعظم شہباز شریف نے دنیا سے مدد کی درخواست کی ہے جب کہ اب وزیر خزانہ اسحاق ڈار کہہ رہے ہیں کہ ہم امداد نہیں لیں گے۔
ماہر معاشیات نے مزید کہا کہ شہباز شریف پیرس کلب کے قرضوں کو ری شیڈول کرنے کا کہہ رہے ہیں جب کہ وزیر خزانہ نے کہا ہم نہیں کریں گے۔
پی ٹی آئی رہنما نے یہ بھی کہا کہ شہباز حکومت نے روسی تیل کی درآمد کو مسترد کر دیا ہے جب کہ وزیر خزانہ نے کہا ہم روس سے تیل لیں گے۔
انہوں نے سوال پوچھتے ہوئے کہا ہے کہ یہ کنفیوژ ہے یا انکار؟